S Ö Z A L T I

euro 2024 |

14 iyun - 14 iyul tarixlərində Almaniyada keçiriləcək futbol bayramı. Bir çoxları Fransa və İngiltərəni favorit hesab edir. Məncə həmişəki kimi İngilislər bacara bilməyəcək. Bəlkə də beynimə loser kimi kodlanıblar bilmirəm. Şəxsən mən turnirin qalibi kimi fransanı görürəm. Çox əjdaha şəkildə gəlirlər. Keçim qrup təxminlərimə:

Burda Macarıstan qrupun sürprizi olacaq. Almaniya maks 2 olacaq. İsveçrə və Şotlandiya isə ən yaxşı 3-cü yer uğrunda mübarizə aparacaq. Qrupun həlledici oyunu elə 1-ci turdakı Macarıstan - İsveçrə matçı olacaq.

Azarkeşi olduğum və son çempion İtaliyanın taleyindən qorxuram. Spaletti bambılısı dünən hücumçu qıtlığında Bolognada əla mövsüm keçirən Orsolinini komandadan çıxartdı. İtaliyada hamı spalettini topa tutur. Zaccagni, çolaq el shaarawy və demək olar ki, bu sezon oynamayan faggiolini saxlayıb, Orsolini və lazionun qapıçısı provedeli kənarda tutub. İspaniya və Xorvatiya, hətta Albaniya da başağrısı olacaq İtaliyaya. Türkiyə ilə 0-0 bitən matçda da ümid vermədilər. Amma bu İtaliyadı. Qrupda 3 heç-heçədən sonra dünya çempionu olmuş komandadı. Bilmək olmaz. Bu qrupa təxmin vermək çox çətindi. Realist olsam hal-hazırki vəziyyətə uyğun olaraq: 1 İspaniya 2 Xorvatiya 3 İtaliya 4 Albaniya.

İngiltərə burdan təmiz çıxar. 2ci yer üçün Danimarka və Serbiya əlləşər və Danimarka yeri qapar.

Ən asan qrupdu bu məncə. Fransa 1, Hollandiya 2, Avstriya 3, bərbad oyun oynayan Polşa 4.

Ən maraqlı qrup. Hamı Belçikanın asanlıqla 1-ci olacağını desə də mənim fikrimcə onların generasiyasının limiti çoxdan bitib. Rumıniya sürpriz edəcək. Ukraniya da ondan geri qalmayacaq. Slovakiya 4-cülüyə məhkumdu.

Gəldik dananın Türkiyə üçün quyruğunun qopduğu yerə. Türkiyə burdan necə çıxırsa çıxsın 8/1-dən o yana getməyəcək. Çünki ya Fransa ya İngiltərə ya da b qrupunda hansısa əjdaha ilə qarşılaşacaq. Ümumiyyətlə Türkiyə elə komandadı ki, oyununu heç cür tuta bilmirsən. Heç vaxt stabil oynamırlar. 0 da çəkə bilərlər. 90+ -da vurulan qollar ilə 1-ci də çıxa bilərlər. Portuqaliya 1-ci olacaq sözsüz. Gürcüstan Mdb-nin hal-hazırda ən yaxşı oynayanıdı. (Russia excluded). Çexiya burda tale həll edən komanda olacaq.
Könlümdən keçən 2008 və 2012-dəki İspaniya kimi İtaliyanın da ardıcıl qalib gəlməsidir. Amma çətin. Real vəziyyət Fransanın çempionluğunu göstərir. Ümid edirəm ki, 2004 və 2016 kimi sıxıcı yox, 2000 və 2008 kimi yaddaqalan turnir olar.

sosioloji marksizm | elm

analitik marksizm ekolu ilə tanınan, sosial siniflər klassifikasiyasında yeni nəzəri paradiqmaları ilə həm sosiologiya sahəsində həm də bütöv olaraq marksizm sahəsində yeni cığırlar açan erik olin wrightın Viskonsin-Medison Universitetində verdiyi dərslərdən biri.

dərsin syllabusu 87 səhifədir -*. bu yay syllabusda paylaşdığı əsas oxumaları bitirməyi planlayıram.

syllabusdakı chapterlər bu şəkildədir:
1) giriş
2) sinfi struktur
3) sinfi təşəkkül
4) dövlət və siyasət nəzəriyyəsi
5) ideologiya və şüur
6) tarix nəzəriyyəsi
7) sosializm və xilas/azadlıq

və üstəlik əsas oxumaların yanında- əgər vaxtınız varsa- əlavə oxuma materialları da var. möhtəşəm syllabusdur.

syllabusun linkini paylaşıram. məncə göz atın və bu sahə haqqında nələrsə oxumaq istəyirsinizsə yararlanın.

link: https://drive.google.com/file/d/1Q64aPnfb1IlezJXjzcwuXMh62U8Silft/view?usp=sharinghttps://drive.google.com/file/d/1Q64aPnfb1IlezJXjzcwuXMh62U8Silft/view?usp=sharing

ufc | idman

Açılışı ultimate fighting championship olan mma təşkilatı. İnsanların niyə bu qədər az maraqlandığına təəsüflənirəm düzü, xususilə də həmcinslərim arasında. Nəticə də, dünyanın ən güclü ya da badass insanının kimi olduğu sualı maraqlıdır və bunun cavabının öyrəniləcəyi ən prestijli təşkilat ufcdir. One championship və bellator kimi təşkilatlar da var, lakin ordakı əksər divizyadakı çempionlar heç ufcnin top 10 una girə bilməz müvafiq çəki divizyasında. Təbii olaraq anlayıram bəzi insanlar şiddət və s. kimi görüntüləri sevmir, həmin insanların baxmamağı normal haldı. Ancaq ölkədə xususilə animeci kütlənin, heç ufc nin nə olduğunu eşitməməyi maraqlanmamağı qəribə gəlir. one punch man, naruto və oxşarı animelərə baxmaqdansa çox daha real olanına baxa bilərsiz. Və bu real xarakterlərdən çox daha yaxşı inspiration ala bilərsiniz. Misal verim döyüşçülərdən,
Alex pereira gec yaşda kick-box a başlıyır. Ən yüksək səviyyə olan glorydə 2 diviziyada çempion olur. 2 dəfə məğlub elədiyi israel adesanya tərəfindən hər hansı bir interviyuda, "mən əfsanə olanda, hər hansısa bir pubda arxamdan boş boş danışacaq , o heç kimdi" tərzi təhqir olunmadan sonra özünə tamam yad olan bir idmana başlıyır. Hansı ki grappling dediyimiz şey 30 dan sonra elə rahat öyrənilən bir şey deyil. Öyrənsən belə heç vaxt vasatın üstü ola bilməyəcəksən, bunun özü də böyük drawback di istenilen döyüşçü üçün. Pereira ufc debutunu edir, və hətta bambılı bambılı danışan adesanyanı knockout edir. Sonra bir yuxarı çəkidə də çempion olur və hal-hazırda planetdə ayaqüstü döyüşdə ən çox qorxulan döyüşçüdür desək düz olar. Və bu insanın bütün bu uğuru, brazilyanın kasıb favellalarından birində, yoxsullaqdan çıxaraq elədiyi də
ayrı bir heyrətamiz haldı.

Çox maraqlı personaj var yəni ufcdə, misal günlərcə qaranlıqda ac sussuz, balaca otaqda günlərcə duran jiri prochazka. Bu xarakter elə bil sırf mistik anime xarakteri sevən insanlar üçün dizayn olunub. Günlərcə meşədə tək qalıb, məşq edir, just insane dude overall. Hərtərəfli döyüşə bilir, ancaq əsasən ayaqüstü döyüşməyə üstünlük verir, və sıfır guard ilə, full hücüm. Alex pereira kimi dünyanın ən təhlükəli kickbox çusunun belə üstünə şığıyır, əli qolu qarınında, ayaqları yediyi low kick lərdən təndimiş, qızarmış(döyüşdən sonra hətta morarmış olacaq) vəziyyətdə.
Son olaraq döyüş deyim maraqlananlar baxsın.
https://youtu.be/dHKRVKnChFI?si=SPdvsxA140sdhjxV

Jiri ilə glover teixeirü nın döyüşü həqiqətən yüksək gərginlikli bir kəmər döyüşü idi, gərginlik dedim yəni daim bir actionın olduğu maraqlı bir döyüş, sıxıcı şəkildə bir roundda 10, 15 jab in atıldığı bir döyüş yox. Düşünürəm ki, bu döyüşə önyarqısız baxan insan mma fanatı ola bilər.
Səhv eləmirəmsə gloverin 8 ci dərəcə bjj qara kəməri var və bu onu idmandakı ən yüksək grappling çi deməyimizə bəs edər. Ancaq mma təkcə grappling deyil.

https://youtu.be/7CAkyfHMhhA?si=dgNlY8GcxY5sm7cn
Rober whittaker , yoel romero

Müasir dövr middleweightdə(83kg) ən yaxşılardan olan cavan Whittakerın 41 yaşlı kafdar romero ilə olan 2- ci döyüşü. Romeroya kafdar dediyimə baxmıyın the dudes is insanely ripped and explosive. Çox gec başladığı idmana səhv eləmirəmsə 35,(köhnə olimpik gürəşçidir) əfsanə olaraq ayrılmışdı ufcdən. Qeyri mümkün bir nailiyyətdi həqiqətən 35 indən sonra təzə idmana başlamaq oyana, 35 indən sonra çempion ola bilmək ya da oxşarı bir nailiyyət göstərmək qeyri mümkün bir haldı. Çünki istər istəməz qocalırsan, əgər heavyweight ya da light heavyweight deyilsənsə. Romero onsuz adi bir insan deyil, hamı kuba da bədəninə qəribə experimentlər olunduğu bilir, ancaq yenə də idmanın özündə doping təşkilatları nəzarət edir, keçə bilibsə fair competition.

https://youtu.be/h9oj6HEdZSI?si=_0lutKRzOWW03d_v
Son olaraq aşağı çəkilərdən daha texniki olan, volkanovski, islam makhachev döyüşü. Volkanovski bu döyüş zamanı məğlubiyyətsiz demək olar, çempion idi 66 kiloda, islam isə xəbibin atasının favorit tələbəsi idi və çempionluğu oliveirdan(xəbibi udacağı deyilirdi, çox yaxşı grapplingi olduğuna görə) almışdı. Çoxlarına görə xəbibdən daha yaxşı olan islam, xususilə ayaqüstü döyüşdə, əksər döyüşlərini 1 dəqiqənin altında bitirən islam üçün çıxa biləcək ən texniki və inatçı rəqiblərdən idi alexander, həmçinin bütün çəki divizyalarını əhatə edən reytinqdə də, pound for pound rankingdə də 1 ci sırada idi. Bu döyüş digərləri qədər, süper maraqlı olmaya bilər, ancaq məğlubedilməz dağıstan grappling məktəbinin qarşısına çıxan ən güclü oponentin döyüşə necə bir əhəmiyyət qazandırdığnı qavraya bilsəz, yüksək diqqətlə baxacağıvıza şübhəm yoxdur. Hərhalda texniki skill olaraq bunun üstünə çıxa biləcək başqa qarşıdurma yoxdur.

Sona da ufc üçün xüsusi tarixi əhəmiyyəti olan bir neçə maraqlı döyüş qoyacam
https://youtu.be/en4hR34Bl8w?si=Xm8rBGOoan4LTDtz
https://youtu.be/l8s2fsfIpUA?si=AFqEA-1VW_NkK6e8
https://youtu.be/JuBBIJ7adjM?si=l2RWjq2ktf83kZKQ

obyekt yönümlü proqramlaşdırma | proqramlama

(OYP) - verilənlərin obyektlər üzərindən formasını dəyişməsi üzərinə qurulmuş proqramlaşdırma methodu. yazılmış funksiyaların təkrər istifadəsinə və daha kompleks məntiqə kömək edir.

// birinci class-da yaradılan obyekt və methodun digərində çağırılıb istifadə edilməsi:
class a {
string name;
public void method_a();
}
// ikinci class-da implementasiyası
class b extends class a {
name = "jhon.doe'':
method("do something");
}

bəzi methodolojiyaları:
enkapsulyasiya (encapsulation),
varislik (inheritance),
polimorfizm (polymorphism),
abstraksiyası (abstraction),
obyektlər arasında informasiya axınının təşkili (sending messages / message sending),
təkrar istifadə oluna bilərlik ( reusability).

java - c - c++ - Python - php
bu linkdə azərbaycanca ətraflı və bəsit izahı da var

perfume genius | musiqi

əsl adı Michael Alden Hadreas olan əsasən indie pop, indie rock və art pop tərzlərində mahnılar bəstəyən amerikalı musiqiçidir. Özünə seçmiş olduğu bu ləqəb isə Perfume The Story of a Murderer filmindən irəli gəlir. 2020-ci ilin diqqət çəkən albumlarından biri Set My Heart on Fire Immediately olsa da onun no shape albumunu daha çox bəyənirəm.

Tanımaq istəyənlər üçün:
(baxma: jason)
(baxma: otherside)
(baxma: die 4 you)
(baxma: slip away)
(bax: queen)
(baxma: without you)

euro 2024 |

sosioloji marksizm | elm

ufc | idman

obyekt yönümlü proqramlaşdırma | proqramlama

javascript | proqramlama

28 may 1997 b.dortmund - yuventus matçı | idman

hərbi texnologiyalar ★ wiki | texnologiya

Ak-47



(baxma: ak 47)

və ya rəsmi adı ilə "автмат калашникова модел 1947" dünyada indiyə qədər ən çox istehsal olunmuş piyada silahıdır. Dünyada (dəqiq olmasada) 100 milyon civarı origanl(lisenziyalı) və 200 milyona yaxın ak-47 və bu qəbil klonları və kopyası istehsal olunmuşdur. Fərqli variasiyaları və modernizasiya edilmiş modelləri hələ də istehsal və iatifadə edilməkdədir.

Ak-47-nin yaradıcısı olan mixail kalaşnikov 1937-ci ildə sovet ordusuna qatılır və zirehli texnika mühəndisi olaraq xidmət göstərməyə başlayır. Savaş zamanı ağır yaralanır və 6 aya yaxın xəstəxanada qalmalı olur. Həmin zaman dilimində də özü kimi cəbhədən gələn yaralı əsgərlərin avtomatlarla bağlı narahatlıqlarına, şikayətlərinə şahid olur. Xəstəxanadan çıxdıqdan sonra isə ordu üçün avtomat düzəltmək üstündə çalışır. İlk düzəıtdiyi avtomatlar ordu tərəfindən test edilmir, orduya alınmır, amma kalaşnikova "səndə istedad var, nəsə alınacaq" kimisindən moral verirlər. Ən sonda kalaşnikov alman ordusunda sıxlıqla istifadə edilən stg-44 silahının üzərindən yeni bir model çıxartmağa başlayır və ak-46 ərsəyə gəlir.
(Dipnot: ak-46 stg-44-ün bir klonu deyildir)

1949-cu ildə ak-47 sovet ordusunun standart piyada silahı seçildi və həmin ildən ordunun arsenalına daxil oldu. Bu tarixdən etibarən sovet ordusu, varşava paktına daxil olan ölkələrin orduları, kommunist ideologiyaya mənsub ölkələrin ordular və bəzi paramilitarist birliklərə bu silahlar paylandı. Və 1950-ci illərdə bu silah sovetlərin və kommunist dövlətlərin rəsmi silah sisteminə çevrildi.

50-li, 60-lı illərdə ak-47-in fərqli versiyaları da istehsal edildi. Məsələn ən populyarlarından biri aks-47 (rəsmi adı ilə: автомат калашникова складной модел 47) ki bu da, ak-47-in qundaqsız, qatlana bilən versiyası idi. Bu silahı daha çox xüsusi təyinatlılar, paraşütçü birliklər tərəfindən düzəldilmişdi, amma sonrada dünya çapında da populyarlaşdı və sıx istifadə edildi.

Aks-47:





Əsas məsələ, ak-47-in bu günki şöhrətinə qovuşmasının əsas səbəbi, hamımızın yaxşı bildiyi vyetnam savaşı oldu. 60-cl illərdə amerikan ordusu vyetnama "azadlıq", "demokratiya" və s. gətirmək üçün gəldiyində qarşısında əllərində ak-47-lər olan şimali vyetnam əsgərləri vardı. Amerikan ordusunun əlində isə ilk vaxtlar ar-15-lər, daha sonralar isə, m-16-lar vardı.

M-16



Amerikan m-16-ları və vyetkonq(daha doğrusu sovet) ak-47-ləri vyetnamın nəmli, tropik, bataqlıq cəngəlliklərində qarşı-qarşıya gəldi. Və ak-47-lər burada açıq-ara üstünlüklərini artıqlaması ilə göstərdi. Amerikan m-16-ları bu tərzdə bir guerilla müharibəsi üçün deyil də, daha çox nizami bir hərb üçün yaradılmışdı. Hədəf həssaslığı, atəş gücü çox yüksək olmasına rəğmən, vyetnamın dərin, keçilməz, dağlı-təpəli ərazisi üçün ak-47-lər daha uyğun silahlar idi. Məsələn, savaş zamanı amerikan m-16-larının daşıdığı 5.56 mm-lik mərmilər ağaclara, daşlara və s. kimi maneələrə saplanarkən, vyetnam ak-47-lərindən çıxan 7.62 mm-lik mərmilər eyniadlı əngəlləri deşərək keçib amerikan əsgərlərini ovlayırdı. Hətta, rəvayətə görə amerikan əsgərləri, özəlliklə Kambocada döyüşərkən əllərindəki m-16-ları atıb, qənimət olaraq ələ keçirilən ak-47-lərdən istifadə etməyə başlamışdılar.

Ak-47-lərin şöhrəti vyetnam savaşından sonra bütün dünyaya yayıldı(vyetnam savaşını çox adamın bildiyinin əksinə amerika yox, vyetnamlılar qazandı. Amerikan ordusu vyetnamdan biabırçı şəkildə qovuldu).

70-li illərdən sonra ak-47 dünyanın hər yerində, qərb blokunun qarşısında yer alan ən güclü vasitələrdən birinə çevrildi. Cənubi amerikada paramilitarist qrupların əlindəydi, asiyadakı amerikaya qarşı qrupların əlindəydi, hətta qara bazarda özünə elə bir yer etmişdi ki, dünyanın demək olar ki hər yerindəki qarşıdurmalarda kalaşnikovlar vardı.

1970-ci illərdən sovet ordusu ak-47 əvəzinə, onun bir üst modeli olan ak-74 silahlarına keçid etməyə başladı. Ak-74-lərlə ak-47-lər demək olar ki, eynidir, sadəcə işlətdikləri mərmi çapları fərqlidir. Ak-47 7,62×39 mm çaplı mərmi atarkən, ak-74 5,45×39 mm-lik mərmilər atırdı.

Ak-74



(Fərqi silahın lülə ağzı və qaz borusunun genişliyi ilə aydın görə bilərsiniz)

Ak-47 əfsanəsi ssri dağıldıqdan sonra da bitmədi. Bir çox postsovet ölkələrinin orduları hələ də bu silahdan istifadə etməkdədir. Və bu gün dünyada kalaşnikov silahından istifadə etməmiş heç bir ordu yoxdur(Bəli amerikan ordusu belə zaman-zaman istifadə etmişdir. Bu gün belə əfqanıstanda, iraqda, suriyada bəzi əməliyyatlarda öz silahlarını buraxıb kalaşnikovlardan istifadə etdikləri də vardır.)

Anlayacağınız ak-47 silahı insanlığın yaratdığı ən populyar ölüm maşınıdır deyə bilərik. Onu dünyadakı hər kəsin əlində görə bilərsiniz. Əsgərlərin, terrorçuların, dirənişçilərin, paramilitaristlərin, separatçıların və hətta mülki insanların.

Texniki özəlliklərini sıralayıram:
Mərmilər: 7,62×39 mm, 5,45×39 mm-lik özəl yapım mərmi.
Təsir nöqtəsi: 300 m.
Mərmi çıxış sürəti: 710 mm/san.
Atış sürəti: dəqiqədə 60 mərmi.
Tətik mexanizmi: avtomatik və təkli
Uzunluğu: 87 sm.
Ağırlıq(boş): 3,8 kq.
Ağırlıq(dolu): 4,2-4,5 kq (daraq tipinə görə).

Ak-47-ni belə möhtəşəm hala gətirən 3 əsas müddəa vardır:
1. Ucuzluq
2. Sadəlik
3. Güvənilirlik

Original, təzə bir ak-47-ni bu günün valyutası ilə aşağı-yuxarı 100 dollara ala bilərsiniz. Hətta 2-ci əl, işlənmiş ak-47-i 70-80 dollara əfqanıstan və suriyada da tapa bilərsiniz. İstehsalı ucuz, bakımı ucuz, hissələri son dərəcə ucuzdur.

Bəsitliyə gəldikdə isə səbəbi çox sadədir. Mixail kalaşnikov bu silahı rus gəncinin istifadəsi üçün yaratmışdır. Rus gənci dediyimiz, böyük əksəriyyəti dağlıqda, kəndlərdə yaşayan, ciddi texniki bilik-bacarıqları olmayan, hər-hansı sıradan birisi tərəfindən istifadə olunacaqdı yəni. Buna görə də silah da son dərəcə sadə olmalıydı. Ola bildiyincə az hərəkətli parçadan ibarət olmalı idi. Baxımı, təmiri, istifadə son dərəcə asan olmalı idi. Ak-47 dünyada istifadəsi an asan silahlardan biridir. Əlinə heç vaxt silah almamış birinə belə yarım saat içərisində bir ak-47 işlətməyi öyrədə bilərsiniz. Yarım saat içində necə sökülür, necə yığılır, təmizliyi, baxımı necə edilir, necə istifadə edilir, necə atəş açılır və s. öyrədilməsi çox asandır ki, silahın da bu qədər yayğın olmasının ana səbəbi də budur. Geniş çərçivədən baxsanız bu silahı bir komando da istifadə edir, 12-13 yaşında balaca uşaqlar da işlədir. Olay çox bəsitdir. Yarım saat öyrət, göndər ova.

Bəsitdir, ucuzdur amma keyfiyyətsiz deyildir. Ak-47-lər çox nadirən tutulan silahlardır. Yəni bir kalaşnikovu xarab etmək üçün çox özəl çalışılması lazımdır -*. Hər cür iqlimdə işlək vəziyyətdə ola bilir, örnək, rusiyanın sibir, tundra meşələrində də istifadə edərsən, Əfqanıstan dağlarında da son dərəcə rahat formada istifadə edərsən, ekvatorial super nəmli iqlimlərdə də xarab olmaz, nə də avropanın çöllüklərində xəta verməzdi. Yəni ak-47-i alıb palçığın içinə soxub çıxardıb atəş aça bilərsən, qumda basdırıb, çıxarıb atəş aça bilərsən, buzun içində dondurub, sonra buzu əridib təkrar atəş aça bilərsən. Ak-47 heç vaxt yarı yolda qoymayan bir silahdır.

Ucuzluq, bəsitlik, güvənilirlik. Ak-47-i dünyanın ən şöhrətli silahına çevirən 3 ana detal bunlardır. Hər nə qədər rusiyada artıq istehsal edilməsə də, ki bunun yerinə rumıniya, bolqarıstan, çin və şimali Koreyada lisenziyalı surətdə və suriya, Əfqanıstan qara bazarlarında istehsal olunur. Hər nə qədər yeni silahlar ortaya çıxsa da, yeni texnologiyalar inkişaf etsə də, ak-47-lər öz varlığını sürdürməyə davam edəcəklər, əfsus ki, öldürməyə də davam edəcəklər. Ki, mövzu ölüm, öldürmək, yox etmək, dağıtmaqdırsa, bunun üstünə heç bir varlıq insanın əlinə su da tökə bilməz. Kalaşnikov da bunun ən haqlı örnəklərindən biridir...

tissot prx | texnologiya